ក្រុងព្រះសីហនុ៖ បន្ទាប់ពីសម្តេចអគ្គមហាសេនាបតីតេជោ ហ៊ុន សែន នាយករដ្ឋម
ន្ត្រីនៃ រាជរដ្ឋាភិបាលកម្ពុជា ដាក់បញ្ជាឱ្យអាជ្ញាធរក្រុងព្រះសីហនុ ធ្វើការបែងចែកដី
ចំនួន១៦ហិកតា ដោយកាត់ យកពីដីសម្បទានរដ្ឋ ជាមួយក្រុមហ៊ុនដៃប៊ុនរ៉ុង មកចែក
ឱ្យប្រជាពលរដ្ឋចំនួន១២៥គ្រួសារនោះ បច្ចុប្បន្ន (ថ្ងៃ២៦ មីនា) មានជនឆ្លៀតឱកាស
មួយក្រុមទាំងអ្នកមាន និងអ្នកក្ររហូតឮថា មានទាំងអ្នកធ្វើការ ក្នុងអង្គការរដ្ឋ ឬស្ថាប័
នកងប្រដាប់អាវុធផងដែរ បាននាំគ្នាសំរុកចូលទៅបោះបង្គោលដណ្តើមកាន់កាប់
យក ដីក្នុងចំណែកដែលនៅសល់ពីការកាត់យកទុកឱ្យក្រុមហ៊ុនថៃប៊ុនរ៉ុងអភិវឌ្ឍន៍
ប្រមាណជា៩២ហិកតា ស្ថិត ក្នុងសង្កាត់លេខ៣ ខណ្ឌមិត្តភាព យ៉ាងអនាធិបតេយ្យ
បំផុត ហើយបញ្ហានេះគេពុំទាន់ឃើញមានចំណាត់ ការជាក់លាក់ណាមួយពីអាជ្ញាធរ
ក្រុងព្រះសីហនុនៅឡើយ ដោយសារលោកសាយ ហាក់ អភិបាលក្រុង និង លោក
ស្បោង សារ៉ាត អភិបាលរងក្រុងកំពុងបំពេញបេសកកម្មនៅឯក្រុងប៉ៃលិន ។
មន្ត្រីសាលាក្រុងព្រះសីហនុដែលតាមឃ្លាំ មើលរឿងនេះបាននិយាយប្រាប់កោះសន្តិ
ភាពថា បច្ចុប្បន្នមានវិវាទ ចំនួន២បានកើតឡើងក្នុងតំបន់នោះ ទី១ ដោយសារតែមាន
ជនខិលខូចលួចបន្លំកាឡៃអនុសាសន៍របស់ សម្តេចប្រមុខរាជរដ្ឋាភិបាល កាលពីថ្ងៃទី
២៤ ខែមីនា ឆ្នាំ២០០៨ ដែលពេលនោះសម្តេចលោកអនុញ្ញាត ឱ្យអាជ្ញាធរក្រុងព្រះ
សីហនុប្រគល់ដីទំហំ១៦ហិកតា សំរាប់បង្កើតភូមិឋានប្រជាពលរដ្ឋ១២៥គ្រួសារ មាន
ដី សំរាប់ធ្វើផ្ទះ ដីសំរាប់ធ្វើផ្លូវ និងធ្វើសាលាបុណ្យជាដើម ហើយសម្តេចពន្យល់ប្រជា
ពលរដ្ឋកុំឱ្យនាំគ្នា ពង្វាតទីហួសពីអ្វីដែលរដ្ឋបានកំណត់ប៉ះពាល់ទៅដល់ដីរដ្ឋ ឬឯក
ជនផ្សេងទៀតឡើយ ប៉ុន្តែមកដល់ថ្ងៃទី ២៦ ខែមីនា ឆ្នាំ២០០៨ នេះ ចលនាបោះ
បង្គោលចាប់យកដីលើចំណែកដីរបស់ក្រុមហ៊ុនថៃប៊ុនរ៉ុង កំពុងកើតមានដូចទឹកបាក់
ទំនប់ ។ ចំពោះវិវាទមួយទៀត ក៏ត្រូវបានមន្ត្រីដដែលនោះនិយាយឱ្យដឹងដែរថា ការ
បែងចែកដី១៦ហិកតាតាមគំរូប្លង់របស់អាជ្ញាធរក្រុង ផ្អែកតាមអនុសាសន៍របស់
សម្តេចនាយករដ្ឋមន្ត្រី នោះ ក៏កំពុងកើតមានបាតុភាពដែរដោយអ្នកខ្លះមានឈ្មោះ
ក្នុងបញ្ជី របស់ក្រុមប្រជាពលរដ្ឋ១២៥គ្រួសារ ប៉ុន្តែគ្មានដីតាមគំរោងបែងចែកហើយ
អ្នកខ្លះគ្មានឈ្មោះក្នុងបញ្ជី១២៥គ្រួសារនោះផង ក៏ស្រាប់តែអះអាង ថា គេធ្លាប់ជា
ម្ចាស់ដីក្នុងតំបន់នេះដែរ ត្រូវក្រុមហ៊ុនបណ្តេញចេញ ដែលចាំបាច់ពួកគេត្រូវមកយក
វិញ ធ្វើឱ្យមានជម្លោះឥតឈប់ឈរ ហើយមួយចំនួនទៀតកំពុងឈ្លោះប្រកែកគ្នាពី
រឿងព្រំប្រទល់ដី ឬទំហំដី ជាន់លើគ្នាផងដែរ ។ ជុំវិញបញ្ហានេះ ក្រុមប្រជាពលរដ្ឋ
ដែលជាអ្នកធ្លាប់រងគ្រោះពិតប្រាកដ និងទើបបានសម្តេចប្រមុខរាជរដ្ឋា ភិបាលជួយ
អន្តរាគមន៍នោះ ស្នើសុំឱ្យអាជ្ញាធរធ្វើការបញ្ឈប់ភាពអនាធិបតេយ្យនេះផង ហើយ
វែកមុខ រកជនខិលខូច និងជនឱកាសនិយមបំផ្លាញគោលការណ៍របស់សម្តេច
នាយករដ្ឋមន្ត្រីយកមកផ្តន្ទាទោស តាមច្បាប់ផង ដើម្បីទុកលទ្ធភាពឱ្យប្រជាពលរដ្ឋ
ត្រឹមត្រូវបានស្នាក់នៅសមប្រកបផងទៅចុះ និងរំពឹងថា អាជ្ញាធរនិងរៀបរយ ។
