ពុកអើយសូមលោកកុំតូចចិត្ត

ទោះយើងក្រពិតមិនជាថ្វី

 

លោកមានគុណណាស់លើសអ្វីៗ

នាមកូនប្រុសស្រីមិនប្រកាន់

។

ពុកអើយវាសនាបានកំណត់

ប្រៃល្វីងជូរចត់ឥតក្របខ័ណ្ឌ

 

អ្នកខ្លះគេមានព្រោះត្រូវប៉ាន

ដីគ្រប់ខេត្តខណ្ឌឡើងតម្លៃ

។

ពុកអើយអ្នកខ្លះលួចកិបកេង

គ្មានគិតគេឯងទេម្ចាស់ថ្លៃ

 

អោយតែបានលុយឥតសំចៃ

គេអស់ជើងដៃខ្លួនរកស្រួល

។

ពុកអើយកូនដឹងលោកចង់បាន

ឱ្យបុត្រគ្រប់ប្រាណមានទំនួល

 

ដឹងខុសដឹងត្រូវឥតប្រែប្រួល

រស់នៅស្រួលបួលក្នុងសង្គម

។

ពុកអើយម៉ូតូវីឡាឡាន

មិនអាចប្រៀបបានទ្រព្យឧត្តម

 

មានតែវិជ្ជាសែនសក្តិសម

 

ពុកផ្តល់ឱ្យខ្ញុំថេរយូរលង់

 

។

 

ដោយ អ៊ឹង ចំរើន

អតីតសិស្សវិទ្យាល័យក្រឡាញ់  និងជាសិស្សភាសាអង គ្លេ់សវិទ្យាស្ថានអន្តរទ្វីប