ខួបគប់គ្រាប់បែកដៃមុខរដ្ឋសភាកាលពី១១ឆ្នាំមុន
លោកសម រង្ស៊ី ឃាតកនឹងត្រូវចាប់ខ្លួននៅឆ្នាំ២០០៩

រាជធានីភ្នំពេញ៖ លោកសម រង្ស៊ី ប្រធានគណបក្សសម រង្ស៊ី បានថ្លែងថា នៅឆ្នាំ២០០៩
ខាងមុខនេះ លោកសង្ឃឹមថា ឃាតកដែលបានគប់គ្រាប់បែកមកលើក្រុមអ្នកតវ៉ាកាលពី
ថ្ងៃទី៣០ មីនា ១៩៩៧ ដែល ដឹកនាំដោយរូបលោកនោះនឹងត្រូវចាប់ខ្លួន ព្រោះអស់រយៈ
ពេល១១ឆ្នាំកន្លងមកហើយ សមត្ថកិច្ចចាប់ខ្លួន ឃាតកមិនបានសោះ ។ លោកសម រង្ស៊ី
បានថ្លែងបែបនេះដោយសង្ឃឹមទៅលើប៉ូលិសស៊ើបអង្កេត អាមេរិក (FBI) ។

ព្រឹត្តិការណ៍គប់គ្រាប់បែកទៅលើក្រុមអ្នកតវ៉ានៅខាងមុខមន្ទីររដ្ឋសភាចាស់ ធ្វើឱ្យមនុស្ស
ចំនួន១៦នាក់ បានស្លាប់ និងជាង១០០នាក់បានរងរបួសធ្ងន់ធ្ងរ ក្នុងនោះមានជនជាតិ
អាមេរិកម្នាក់ផងដែរ ។ បន្ទាប់ពី ការគប់គ្រាប់បែកមក ក្រុមភ្នាក់ងារ FBI បានធ្វើការ
ស្រាវជ្រាវជាបន្ទាន់ ហើយការសន្និដ្ឋានបានធ្វើឡើង ជាបន្តបន្ទាប់ ដោយពេលនោះគណ
បក្សប្រឆាំងបានរិះគន់ និងសង្ស័យទៅលើរដ្ឋាភិបាល ហើយរដ្ឋា ភិបាលបានបដិសេធជុំ
វិញបញ្ហានេះថា វាមិនពិតទេ ។     លោកសម រង្ស៊ី ដែលបានចូលរួមក្នុងខួបគំរប់ឆ្នាំទី១១
 បានថ្លែងថា “ឆ្នាំនេះជាឆ្នាំចុងក្រោយ ព្រោះ អស់រយៈពេល១១ឆ្នាំហើយ តែនៅឆ្នាំ២០០៩
ខាងមុខ ឃាតកនឹងត្រូវចាប់ខ្លួនយកទៅផ្តន្ទាទោស តាមច្បាប់” ។ លោកបន្ថែមថា ការ
រំលឹកខួបដល់អ្នកស្លាប់ ដោយព្រឹត្តិការណ៍ដ៏ឃោរឃៅនេះនឹងប្រព្រឹត្ត ទៅរៀងរាល់ឆ្នាំនៅ
ថ្ងៃទី៣០ មីនា តែឆ្នាំ២០០៩ ការប្រារឰនឹងប្រែប្រួលខុសពីពេលកន្លងទៅ ។

លោកសម រង្ស៊ី បានអះអាងថា ភ្នាក់ងារស៊ើបអង្កេតសម្ព័ន្ធអាមេរិក (FBI) មានភស្តុតាង
គ្រប់គ្រាន់ អស់ហើយ ដោយបានសរសេរនៅក្នុងរបាយការណ៍របស់គេរួចរាល់ហើយ
ហើយរបាយការណ៍នោះក៏ត្រូវ បានមនុស្សឯករាជ្យ៣នាក់បានឃើញរួចហើយដែរ។
លោកបន្ថែមថា “គេរង់ចាំលោកប្រធានាធិបតី អាមេរិកថ្មី ជាប់ជាប្រធានាធិបតីនៅចុងឆ្នាំ
២០០៨នេះ ដូច្នេះគាត់នឹងបញ្ជាឱ្យ (FBI) បញ្ចោញ របាយការណ៍នេះ ។

គណបក្សសម រង្ស៊ី បានឱ្យដឹងថា កាលពី១១ឆ្នាំមុន នៅថ្ងៃទី៣០ មីនា ក្រុមបាតុករ
ប្រមាណ២០០នាក់ បានចូលរួមក្នុងបាតុកម្ម ដឹកនាំដោយលោកសម រង្ស៊ី ដើម្បីទាមទារ
ឱ្យមានការកែប្រែប្រព័ន្ធតុលាការ នៅកម្ពុជា។ នៅពេលធ្វើបាតុកម្មតវ៉ានោះ មនុស្ស១៦
នាក់បានស្លាប់ និង១៥០នាក់រងរបួសធ្ងន់ធ្ងរ ដោយសារការគប់គ្រាប់បែកពីជនអនាមិក
តែការចាប់ខ្លួនជនដៃដល់នៅមិនទាន់បាន ចាប់នៅឡើយ ។

ស្របពេលជាមួយគ្នានេះផងដែរ គណបក្សនរោត្តម រណឫទ្ធិ បានចេញសេចក្តីថ្លែង
ការណ៍ថា គណបក្ស សូមចូលរួមរំលែកទុក្ខដល់ក្រុមគ្រួសាររបស់ជនរងគ្រោះ និងសូម
ថ្កោលទោសចំពោះជនល្មើស អ្នកបញ្ជា និងអ្នកនៅពីក្រោយខ្នងនៃព្រឹត្តិការណ៍គប់
គ្រាប់បែកនេះ ។ លោកជា មុន្នី ប្រធានសហជីពសេរីកម្មករ នៃព្រះរាជាណាចក្រកម្ពុជា
 និងជាប្អូនប្រុសរបស់សពលោកជា វិជ្ជា បានថ្លែងថា សហជីពសូមអំពាវនាវ ឱ្យរដ្ឋា
ភិបាលស្វែងរកមុខឃាតកនិងចាប់មកផ្តន្ទាទោសតាមច្បាប់។ លោកបន្តថា “យើងមិនភ្លេច
នូវវីរភាព របស់កម្មករដែលបានស្លាប់ទេ យើងតែងតែចូលរួមរំលឹកអំពីព្រឹត្តិការណ៍សា
ហាវព្រៃផ្សៃនេះជានិច្ច” ។  លោកខៀវ សុភ័គ មន្ត្រីអ្នកនាំពាក្យក្រសួងមហាផ្ទៃមិនអាចសុំ
ការពន្យល់បានទេ កាលពីថ្ងៃអាទិត្យ ប៉ុន្តែលោកខៀវ កាញារីទ្ធ បានថ្លែងថា រដ្ឋាភិបាល
នៅតែបន្តរកឃាតក តែសូមឱ្យលោកសម រង្ស៊ី បញ្ជាក់ឱ្យបានច្បាស់ ព្រោះបញ្ហានោះជន
សង្ស័យទាក់ទងនឹងអង្គរក្សរបស់លោកសម រង្ស៊ីផ្ទាល់ និង ម្នាក់ ទៀតឈ្មោះប្រេស៊ីល ជា
អង្គរក្សសម្តេចក្រុមព្រះនរោត្តមរណឫទ្ធិ និងម្នាក់ទៀតមិនស្គាល់ឈ្មោះឮថា ធ្លាក់បាក់.
កស្លាប់ តែលោក សម រង្ស៊ី មិនព្រមបញ្ជាក់អំពីសំបុត្រពេទ្យនោះទេ ។